بەڕێوەبەرایەتیی حەج و عومرەی هەرێم بڵاویکردەوە، بە بڕی 573 هەزار و 700 دینار پاڵپشتی دارایی حاجیان دەکات.
بەڕێوەبەرایەتیی حەج و عومرەی هەرێم لە راگەیەندراوێکدا بڵاویکردەوە، بۆ وەرزی حەجی 2026 هەر حاجیەک بڕی حەوت ملیۆن و 100 هەزار دیناری لێوەردەگیرێت کە لەو بڕە پارەیە چوار ملیۆن و 369 هەزار و 200 دیناری دەدرێتە دەستەی باڵای حەجی عێراق.
ئاماژەی بەوەشکرد، کۆی خەرجی هەر حاجییەک دەکاتە حەوت ملیۆن و 673 هەزار و 700 دینار، بەو پێیەش بڕی 573 هەزار و 700 دینار پاڵپشتی دارایی لەلایەن حکومەتی هەرێمەوە بۆ حاجیان دەکرێت.
