نێردەی نەتەوە یەکگرتووەکان بۆ هاوکاریی عێراق (یۆنامی) پەیامێکی لەبارەی هێرشکردنە سەر کێڵگەی کۆرمۆر، بڵاوکردەوە.
لە پەیامەکەی یۆنامی-دا هاتووە، “یۆنامی بە توندترین شێوە ئیدانەی هێرشەکەی سەر کێڵگەی غازی کۆرمۆر دەکات لە پارێزگای سلێمانی. هێرشەکە نەک هەر تەنیا لێدانە لە ژێرخانی ئابوری و بەرژەوەندیی هەرێمی کوردستان و هەموو عێراق، بەڵکو ناردنی پەیامێکی نەرێنییشە، بەتایبەتی دژی سیستمی فیدراڵی لە عێراق، هێرشیش بۆ سەر ژێرخانی مەدەنی، هیچ مایەی قبوڵکردن نییە”.
داواش لە دەسەڵاتە پەیوەندیدارەکان دەکات، “بۆ گرتنەبەری رێوشوێنی گونجاو بۆ پێشگرتن لە دووبارەبوونەوەی ئەم جۆرە پێشێلکارییانە”.
ئاماژەی بەوەشکردووە، دەستخۆشی لە پێکهێنانی لیژنەی لێکۆڵینەوە دەکەین لەلایەن هەردوو حکومەتی هەرێمی کوردستان و عێراقەوە بۆ دەسنیشانکردنی ئەنجامدەران و پەلکێشکردنیشیان بۆ بەردەم دادگا.
