بەمەبەستی راییکردنی مامەڵەی حاجیان، وەزارەتی ئەوقاف دەوامی فەرمانبەرانی زیادکرد و پشووی رۆژانی شەممەشی نەهێشت.
لە راگەیەندراوێکی وەزارەتی ئەوقاف و کاروباری ئاینییدا هاتووە، ” لەپێناو بەرژەوەندی گشتی و خزمەتی حاجیانی کوردستان، بڕیاردرا کە دەوامی رەسمی فەرمانبەرانی بەڕێوەبەرایەتیی حەج و عومرە رۆژانە تا کاتژمێر 4:00 ی ئێوارە بەردەوامبێت، پشووی رۆژانی شەممەش هەڵوەشێندرایەوە”.
ئاماژەی بەوەشکرد، “بڕیارەکە تا تەواوبوونی مامەڵەی حاجیان کاری پێدەکرێت”.
