بە هەوڵی یەکێتیی نیشتمانیی کوردستان، بۆ یەکەمجار نەخۆشخانەی هەناوی و منداڵان لە گەرمیان، بووە خاوەنی بەشی چاودێریی چڕ.
میدیای رەسمیی یەکێتی بڵاویکردەوە، بەشی چاودێریی چڕ لە نەخۆشخانەی ھەناوی و منداڵانی كەلار، کە بە ھۆی نەبوونی کارمەندی پێویستەوە پاش تەواوکردنی کارەکانی، کردنەوەی دواکەوتبوو، ئەمڕۆ 10ی تشرینی دووەمی 2025، لەسەر بودجەی یەکێتیی نیشتمانیی کوردستان، کارمەندی پێویستی بۆ دابینکراو و بەشەکە خرایە خزمەتی ھاوڵاتییانی گەرمیانەوە .
باسی لەوەشکرد، پێشتر نەخۆشخانەکانی گەرمیان ھیچ بەشێکی چاودێریی چڕیان نەبوو، خەڵکی سنوورەکە لە کاتی پێویست و دۆخی لەناکاو بە بەشی چاودێریی چڕ، بە ناچاری روویاندەکردە سلێمانی و شوێنەکانی دیکە، هەروەها ساڵانێکە کردنەوەی ئەم بەشە داواکاری خەڵکی گەرمیانە.
