ئیدارەی پارێزگای کەرکوک بڕیاریدا سبەینێ لەسەرجەم دامودەزگاکانی سنوورەکە بکاتە پشووی رەسمی.
لە راگەیەندراوێکی پارێزگای کەرکوکدا هاتووە، بە ئامانجی پێدانی کات بە فەرمانبەرانی دەوڵەت و خێزانەکانیان بۆ ئەوەی بەشداری لە پڕۆسەی هەڵبژاردندا بکەن، بەتایبەتی بۆ ئەو کەسانەی کە لە قەزا و ناحیە و گوندەکان نیشتەجێن و تاوەکو زیاتر ئامادەبن بۆ بەشداریکردن لە پرۆسەی هەڵبژاردن، سبەینێ دووشەممە لەسەرجەم دامودەزگاکانی سنوورەکە کرایە پشووی رەسمی.
ئاشکراشیکرد، فەرمانگە خزمەتگوزارییەکانيش دەتوانن پشت ببەستن بە سیستەمی نۆرەگرتن (مناوبە) بۆ دابینکردنی خزمەتگوزارییەکان.
