پارێزگاری کەرکوک، رایگەیاند، دەمانەوێت ئۆتۆمبێلی کەرکوک بچێتە وڵاتانی جیهان.
رێبوار تەها، پارێزگاری کەرکوک، لەکاتی دانانی بەردی بناغەی کارگەی ئۆتۆمبێل لە کەرکوک رایگەیاند، ئەمە یەکەم کارگەی دروستکردنی ئۆتۆمبێلە لە عێراقدا و ئەم هەنگاوە بازدانێکی گەورە دەبێت بۆ ئابوریی شارەکە و تەواوی عێراق.
وتیشی، ئەم پرۆژە ستراتیجییە بە هاوبەشیی چەند وڵاتێکی پێشکەوتووی پیشەسازی ئەنجام دەدرێت و ئەمریکا، ئەڵمانیا و تورکیا بەشدارن تیایدا.
باسی لەوەشکرد، “ئامانج لە کارگەکە تەنیا پڕکردنەوەی پێداویستیی ناوخۆ نییە، بەڵکو ئامانجەکە گەورەترە و دەمانەوێت ئۆتۆمبێلی کەرکوک بچێتە وڵاتانی جیهان”.
