بەپێی زانیارییەکان، وەزارەتی دارایی هەرێم چاوەڕوانی نووسراوی خەرجکردنی مووچەی مانگی هەشتە بۆ رادەستکردنی داهاتی نانەوتی.
سەرچاوەیەک لە وەزارەتی دارایی هەرێمی کوردستان بە تۆڕی میدیایی ئێستای راگەیاند، 120 ملیار دیناری داهاتی نانەوتیی مانگی هەشت ئامادەیە و چاوەڕێی نووسراوی محەمەد شیاع سودانی، سەرۆک وەزیرانی عێراقن بۆ ناردنی مووچەی ئەو مانگە.
وتیشی، ئەمڕۆ یان سبەی نووسراوەکەیان بەدەستدەگات و دواتر، راستەوخۆ 120 ملیار دینارەکە رادەستی بەغداد دەکەن.
