ژینگەپارێزێک ئاشکرایدەکات، بەهۆی زۆری دووکەڵی پاڵاوگە نایاساییەکان هەوا و ژینگەی شاری دهۆک پیسبووە، ئەمەش وایکردووە لە دووری چەند کیلۆمەترێکەوە شارەکە بە تەواوی دیارنەمێنیت.
سدیق جەلالەدین، ژینگەپارێزە لە پارێزگای دهۆک و نیگەرانى خۆى بۆ پیسبوونى ژینگەى شارەکە دەردەبڕێت و دەڵێت، “رێژەیەکی زۆر پاڵاوگەی نایاسایی و ئۆتۆمبێل لە دهۆک هەن، بەڵام بەهۆی نەبوونی رێژەی پێویست لە سەوزایی، ژینگەی دهۆک پیسبووە”.
سەرەڕای بڕیارەکانی حکومەتی هەرێم بۆ داخستن و نەهێشتنی پاڵاوگە نایاساییەکان، بەڵام لە دهۆک 34 پاڵاوگەی نایاسایی هەن کە بەردەوامن لە کارکردن، ئەمەش ژینگەی ئەو شارەی پیسکردووە.
