بافڵ جەلال تاڵەبانی رایدەگەیەنێت، جەخت لە بەڕێوەچوونی هەڵبژاردنێکی پاک و بێگەرد دەکەینەوە.
ئەمڕۆ سێشەممە، بافڵ جەلال تاڵەبانی، سەرۆکی یەکێتیی نیشتمانیی کوردستان لە هەولێر پێشوازی لە سەید عەمار حەکیم، سەرۆکی رەوتی حیکمە کرد.
لە دیدارێکدا دۆخی گشتیی وڵات و ئاستەنگەکانی بەردەم پرۆسەی سیاسی تاوتوێکرا و جەخت لە دیدی هاوبەش و کۆدەنگی نیشتمانی بۆ زاڵبوون بەسەر ئاڵنگارییەکاندا کرایەوە.
هەروەها پێویستی چارەسەرکردنی کێشەکانی نێوان هەرێمی کوردستان و عێراق لەسەر بنەمای دەستوور و هاوبەشێتی کرایەوە، بەجۆرێک هەمووان پارێزراوبن و وەک یەک خزمەتبکرێن.
لە بەشێکی دیکەی دیدارەکەدا، بافڵ جەلال تاڵەبانی جەختی لە بەڕێوەچوونی هەڵبژاردنێکی پاک و بێگەرد لە عێراق کردەوە کە ببێتە هۆی پتەوکردنی یەکڕیزیی گەلانی عێراق و زیاتر خزمەتکردنی خەڵک.
