ئەندامێکی ئەنجومەنی نوێنەرانی عێراق، رایگەیاند، هیچ مووچەیەکی ئەمساڵ نافەوتێت.
د. نەرمین مەعروف، ئەندامی لیژنەی دارایی لە ئەنجومەنی نوێنەرانی عێراق رایگەیاند، بەگوێرەی رێککەوتنی نێوان حکومەتی هەرێم و حکومەتی فیدراڵی پێویستە حکومەتی عێراق مووچەی مانگەکانی هەشت، نۆ و دواتریش تاوەکو کۆتایی ساڵ بەبێ هیچ کەم و کوڕییەک، بۆ هەرێم بنێرێت.
وتیشی، تاوەکو پرۆژە یاسای بودجەی ساڵی 2026 لە ئەنجومەنی نوێنەرانەوە پەسەنددەکرێت کە بێگومان دەکەوێتە خولی داهاتووی ئەنجومەنەکە پێویستە حکومەتی عێراق پابەندبێت و شایستەداراییەکانی هەرێم بنێرێت کە پێدەچێت مووچەی چەند مانگێکی ساڵی 2026 بەهەمان میکانیزمی رێککەوتنەکەی ئێستا خەرجبکرێت.
