وەزارەتی ئەوقاف و کاروباری ئایینی/بەڕێوەبەرایەتیی گشتی حەج و عومرەی کوردستان، رایگەیاند، بەدواداچوون بۆ ئەو هۆتێلانە دەکەین کە بۆ حاجییانی هەرێم دیاریدەکرێن.
وەزارەتی ئەوقاف و کاروباری ئایینی/بەڕێوەبەرایەتیی گشتی حەج و عومرەی کوردستان، رایگەیاند، بۆ پرۆسەی حەجی ساڵی داهاتوو 2026 دەست بە ئامادەکارییەکان دەکەین بە مەبەستی پێشکەشکردنی باشترین خزمەتگوزاری بە حاجییانی کوردستان لەسەر راسپاردەی وەزیری ئەوقاف و کاروباری ئایینی و بە رەزامەندیی ئەنجومەنی وەزیرانی حکومەتی هەرێم هەریەک لە کاروان ستونی وتەبێژی حەج و عومرەی کوردستان و هاوکات بەڕێوەبەری راگەیاندن و پەیوەندییەکان لە بەرێوەبەرایەتیی گشتیی حەج و عومرە و نوێنەری بەڕێوەبەرایەتییەکە لە دەستەی باڵای حەج و عومرەی عێراقی دەستنیشانکراون تاوەکو شانبەشانی دەستەی باڵای حەج و عومرەی عێراق بەدواداچوون و سەردانی ئەو هۆتێلانە بکەن کە بۆ ساڵی داهاتوو لە شاری مەدینە بۆ حاجییانی عێراق و کوردستان دەستنیشان دەکرێن لەگەڵ چاودێریکردنی ئەو خواردنەی کە بۆ حاجییان ئامادەدەکرێت.
وەزارەتەکە دەڵێت، سبەینێ بەرەو شاری مەدینە بەڕێدەکەوین بۆ دەستپێکردنی ئامادەکارییەکان بۆ پرۆسەی حەجی ساڵی داهاتوو.
