سەرچاوەیەک رایگەیاند، سبەینێ لە بەغداد رێککەوتنی سێ قۆڵی لەبارەی دەستپێکردنەوەی هەناردەی نەوتی هەرێم واژوودەکرێت.
بەپێی زانیارییەکانی سەرچاوەیەک، سبەینێ وەفدێکی باڵای وەزارەتی سامانە سروشتییەکانی هەرێم لەگەڵ وەفدی کۆمپانیا نەوتییەکان دەچنە بەغداد و لەگەڵ وەفدی باڵای وەزارەتی نەوتی عێراق کۆدەبنەوە و بڕیارە واژوو لەسەر رێککەوتنی دەستپێکردنەوەی هەناردەی نەوتی هەرێم بکرێت.
باسی لەوەشکرد، لە کۆبوونەوەکەی سبەینێ ئەو ئاستەنگی و تێبینیانەی لەبارەی دۆسیە و پرسی دەستپێکردنەوەی هەناردەی نەوتی هەرێم هەن، چارەسەردەکرێن و ناخرێنە کۆبوونەوەی دیکەوە.
ئاماژەی بەوەشکرد، کۆبوونەوەکەی سبەینێ کۆتا کۆبوونەوە دەبێت لەبارەی ئەم دۆسیەوە و کۆبوونەوەی یەکلاکەرەوەیە، رێککەوتن واژوودەکرێت و رۆژی سێشەممە هەناردەی نەوتی هەرێم لە رێگەی بەندەری جەیهانی تورکیاوە دەستپێدەکاتەوە.
