سەرۆکی ئەنجومەنی دەوڵەت رایگەیاند، هێشتا کارەکانیان سەبارەت بە پرسی بڕیاردان لەسەر داهاتی نانەوتیی هەرێمی کوردستان کۆتایینەهاتووە.
دکتۆر کەریم خەسباک، سەرۆکی ئەنجوومەنی دەوڵەت لە لێدوانێکدا ئاشکرایکرد، “هەرکاتێک ئەنجومەنەکەمان گەیشتە بڕیارێک لەبارەی دۆسیەی داهاتی نانەوتیی هەرێم ئەوا رادەگەیەندرێت و هەمووانی لێ ئاگاداردەکرێتەوە، بەڵام هێشتا کارەکانمان سەبارەت بەو دۆسیەیە نەگەیشتووەتە کۆتایی”.
وتیشی، “بەپێی یاسا، کار و بەرەوپێشچوونەکان لە دۆسیەکەدا بە نهێنی دەمێنێتەوە، تاوەکو دەگەینە بڕیارێکی یەکلاکەرەوە و کۆتایی، ئەوکات دەتوانین ناوەڕۆکی بڕیارەکەمان ئاشکرابکەین”.
