سەرۆک کۆمار پێشوازی لە سەرۆکی ئاژانسی پاراستن و زانیاری/ زانیاری و سەرۆکی دەزگای ئاسایشی هەرێمی کوردستان كرد.
د. لەتیف رەشید سەرۆک کۆماری عێراق لە بەغداد پێشوازی کرد لە جەلال شێخ ناجی، سەرۆکی ئاژانسی پاراستن و زانیاری/ زانیاری و هیوا ئەحمەد، سەرۆکی دەزگای ئاسایشی هەرێم.
لەمیانی دیدارەکەدا، پێداچوونەوە بە رەوشی ئەمنیی ناوچەکە کرا و جەخت له گرنگیی پاراستنی ئاسایش و بەرژەوەندییەکانی هاوڵاتییان و پەرەپێدانی کاری ئەمنی و هەواڵگری بۆ دابینکردنی ئاسایش و سەقامگیریی زیاتر له سەرتاسەری عێراق و هەرێمدا. هەروەها دەستخۆشی لەو قوربانی و کارانە کرا کە لەلایەن دەزگای ئاسایش و دەزگاکانی دیکەوە، لە بەرەنگاربوونەوەی تاوان و تیرۆردا دراون.
