بەڕێوەبەرایەتیی پۆلیسی پارێزگای هەڵەبجە بڵاویکردەوە، تەرمی هاوڵاتییەک لە قەزای خورماڵ دۆزرایەوە کە ئاسەواری فیشەک بە سەرییەوەیە و لێکۆڵینەوە لەسەر رووداوەکە دەستیپێکردووە.
بەڕێوبەرایەتیی پۆلیسی پارێزگای هەڵەبجە لە راگەیەندراوێکدا ئاشکرایکرد، سەرلەبەیانیی ئەمڕۆ تەرمی هاوڵاتییەکی تەمەن 43 ساڵ بەناوی (و. ت. م) کە ئاسەواری فیشەک بە سەرییەوەیە دۆزرایەوە، ئەو هاوڵاتییە پیشەی کاسبە و دانیشتووی قەزای خورماڵە، لەئێستادا تەرمەکەی لە پزیشکی دادی هەڵەبجەیە.
ئاماژەی بەوەشکرد، لەلایەن بەشی پۆلیسی بەڵگە و تاوانی هەڵەبجە بەڵگەکان هەڵگیراونەتەوە و دەمانچەیەک دەستی بەسەرداگیراوە.
باسی لەوەشکرد، کەسێک بەتۆمەتی ئەنجامدانی تاوانەکە دەستگیرکراوە و لێکۆڵینەوە لە تاوانەکە بەردەوامە.
