وەزارەتی کارەبای هەرێم رایدەگەیەنێت، لە سبەینێوە تاقیکردنەوەی فشار لە سنووری سلێمانی ئەنجامدەدەن و ئەگەری پچڕانی کارەبا هەیە.
لە راگەیەندراوێکی وەزارەتی کارەبادا هاتووە، “لە رۆژانی 10 و 11 ی ئەم مانگە تاقیکردنەوەی فشاری سەر تۆڕی کارەبای نیشتمانی لە پارێزگای سلێمانی، ئەنجامدەدەین، کە ناوچەکانی ناوەوە و دەرەوەی پڕۆژەی ڕووناکی دەگرێتەوە”.
ئاماژەی بەوەشکرد، “ئەم تاقیکردنەوەیە رێککارێکی رۆتینیە کە بۆ تۆڕی کارەبا ئەنجامدەدرێت لەلایەن وەزارەتی کارەبای حکومەتی هەرێمی کوردستان کە ئامانج لێی دیاریکردنی کێشە و خاڵە لاوازەکانی تۆڕەکانی گواستنەوە و دابەشکردنی کارەبایە لە ماوەی دوو رۆژی تاقیکردنەوە کە تیایدا هاوڵاتییان کارەبای بەردەوامییان دەبێت”.
ئاشکراشیکرد، “لە رۆژانی تاقیکردنەوەی فشاردا ئەگەری پچڕانی کارەبا هەیە”.
