ئەمڕۆ بە دابەشکردنی مووچەی چەند شوێنێک کۆتایی بە پرۆسەی دابەشکردنی مووچەی مانگی شەش دێت.
بەپێی ئەو خشتەیەی پێشتر وەزارەتی دارایی و ئابوریی هەرێم بڵاویکردەوە، ئەمڕۆ پێنجشەممە مووچەی وەزارەتەکانی کار و کاروباری کۆمەڵایەتی، رۆشنبیری و لاوان، کارەبا، ئەوقاف و کاروباری ئایینی، خوێندنی باڵا و توێژینەوەی زانستی دابەشدەکرێت.
هەر بە گوێرەی خشتەکە، ئەمڕۆ سەرۆکایەتیی پەرلەمان، سەرۆکایەتیی ئەنجومەنی وەزیران، سەرۆکایەتیی هەرێم، پێشمەرگە ( دیوان، لیواکان)، یەکەی 70 و 80، بەڕێوەبەرایەتیی پۆلیسی دامودەزگا نەوتییەکان، ئەنجومەنی ئاسایش و دەزگای ئاسایش، هێزی زێرەڤانی و فەرماندەی بەرگریی فریاکەوتن مووچە وەردەگرن.
