رووانگەی ئابوریی عێراق رایدەگەیەنێت، بەرهەمهێنانی نەوتی هەرێمی کوردستان لە رۆژێکدا 200 هەزار بەرمیلی تێپەڕاند.
رووانگەکە لە راگەیەندراوێکدا ئاماژەی بەوەکرد، ئەو کێڵگە نەوتییانەی هەرێم کە بۆردومان کرابوون، گەڕاونەتەوە سەر کارەکانیان و بەرهەمهێنانی رۆژانەشیان بۆ زیاتر لە 200 هەزار بەرمیل زیادیکردووە.
باسلەوەشدەکات، هەرێم و بەغداد تاوەکو ئێستا نەگەیشتوونەتە رێککەوتن سەبارەت بە دەستپێکردنەوەی هەناردەکردنی نەوت بەهۆی ناکۆکی لەسەر پارەی ئەو کۆمپانیایانە کە لە هەرێمدا کاردەکەن.
دەشڵێت، بۆ چارەسەرکردنی گرفتەکە، دوو رێگا هەیە:
1- کۆبوونەوەی نێوان هەرێم، بەغداد و کۆمپانیاکان.
2- خەرجکردنی پارەی کۆمپانیاکان.
