بریکاری پێشووی وەزارەتی دارایی عێراق رایدەگەیەنێت، دابینکردنی مووچەی مووچەخۆران، کاری لەپێشینەی حکومەتی هەرێمی کوردستانە.
رێباز حەملان، بریکاری پێشووی وەزارەتی دارایی عێراق رایگەیاند، کۆبوونەوەی ئەمڕۆی وەفدەکەی هەرێم و وەزارەتی دارایی و تیمی چاودێریی دارایی عێراق، ئەرێنی بووە؛ ئەمشەو وەفدەکە لە بەغداد دەمێننەوە و سبەی لەگەڵ تەیف سامی، وەزیری دارایی عێراق کۆدەبنەوە.
وتیشی، ئەگەر کۆبوونەوەی وەفدەکە لەگەڵ وەزیری دارایی عێراق ئەرێنی بێت، رۆژی یەکشەممە ئەنجومەنی وەزیرانی عێراق لەبارەی مووچەی مانگی شەش و حەوت بڕیاردەدات.
باسی لەوەشکرد، وەزارەتی داریی هەرێم لیستی مووچەی مانگی شەش و حەوتی بۆ بەغداد ناردووە و 120 ملیاری داهاتی نانەوتیی مانگی شەشیش ئامادەیە.
