بافڵ جەلال تاڵەبانی، سەرۆكی یەكێتیی نیشتمانیی كوردستان لە ساڵڕۆژی ئەنفالكردنی بارزانییەكان پەیامێكی بڵاوكردەوە و دەڵێت، “ساڵڕۆژی ئەنفالكردنی بارزانییەكان برینێكی سەر جەستەی نیشتمانە و بەڵگەی ئەو سیاسەتە دڕندانەیەی رژێمـ.ـی بـ.ـەعـ.ـسی لەناوچووە كە لە تەواوی شاڵاوەكانی ئەنفالدا بۆ سڕینەوەی ناسنامە و قڕكردنی گەلەكەمان پەیڕەوی دەكرد”.
لە پەیامەكەی سەرۆكی یەكێتیدا هاتووە، لەم ساڵڕۆژە پڕ لە ماتەمەدا سەری رێز و نەوازش بۆ گیانی پاكی سەرجەم شەهیدانی كوردستان و قوربانییانی ئەنفال دادەنەوێنین و هاوخەمیی قووڵی خۆمان ئاراستەی كەسوكارە سەربەرزەكانیان دەكەین.
دەشڵێت، “جەخت لەوە دەكەینەوە كە قەرەبووكردنەوەی كەسوكاری سەربەرزی قوربانییانی شاڵاوی ئەنفال تەنها ئەركێكی یاسایی نییە، بەڵكو هەوڵێكی كرداری و جددی حكومەتی عێراقە بۆ ساڕێژكردنی بەشێك لەم برینە گەورەیە”.
لە كۆتایی پەیامەكەی بافڵ جەلال تاڵەبانیدا هاتووە، “باشترین وەفاداری بۆ خوێنی پاكی شەهیدان، یەكڕیزی و یەكگوتاریی نیشتمانیمانە بۆ بەهێزتركردنی هەرێمی كوردستان”.
