پۆلیسی سلێمانی دەستگیرکردنی چوار گەشتیاری عەرەبی بە تۆمەتی دزیکردن لە چەند دوکانێکی زەرەنگەر راگەیاند.
بەڕێوەبەرایەتیی پۆلیسی سلێمانی بڵاویکردەوە، دوای ئەوەی چەند خاوەن دوکانێکی زەڕەنگەر سكاڵایان تۆماركرد كە دزیان لێکراوە، بڕیاری دادوەر بۆ دۆسییەکە وەرگیراو هێزەكانی پۆلیس لێكۆڵینەوە و بەدواچوونەكانیان دەستپێكرد، سەرەنجام توانرا تۆمەتباران بدۆزرێنەوە و لەلایەن مەفرەزەكانی نووسینگەی ناوبازاڕی بەشی پۆلیسی نەهێشتنی تاوان بەهاوکاری نووسینگەی نەهێشتنی تاوانی دوکانی سەر بە بەڕێوەبەرایەتیمانەوە دەستگیربكرێن.
ئاماژەی بەوەشکرد، تۆمەتباران بە ناوەکانی (أ، هـ، م – أ، هـ، م – م، ی، م – ع، م، ع) بە نەتەوە عەرەبن چەند رۆژێکە وەکو گەشتیار هاتوونەتە هاوینەهەواری دوکان و لەوێ ماونەتەوە، رۆژانە هاتونەتە ناو بازاڕی شاری سلێمانی و بەبیانووی کڕینی زێڕ چوونەتە چەند دوکانێکی زەڕەنگەریی و لەکاتی سەرقاڵبوونی خاوەن دوکانەکاندا زێڕەکانیان دزیوە.
ئاشکراشیکرد، تۆمەتبارەکان بە بڕیاری دادوەری لێکۆڵینەوە و بەپێی ماددەی 446 لە یاسای سزادانی عێراقی راگیراون، هاوکات دەستگیراوە بەسەر بڕێک لەو زێرانەی کە دزیبوویان، دەستیشگیرا بەسەر ئوتۆمبێلێکدا کە بە تۆمەتباران بووە.
