بەڕێوەبەرایەتیی کەشناسیی هەرێم بڵاویکردەوە، لە سنووری ئیدارەی گەرمیان پلەی گەرمی دەگاتە 51 پلەی سەدی.
لە راگەیەندراوێکی بەڕێوەبەرایەتیی کەشناسی و بومەلەرزەزانیی هەرێمدا هاتووە، ئەمڕۆ شەممە ئاسمان ساماڵ و گەرم دەبێت لەگەڵ دروسبوونی هەندێک پەڵە هەور، پلەی گەرمی نزیک دەبێتەوە لە تۆمارکراوەکانی دوێنێ.
ئاماژەی بەوەشکرد، سبەینێ یەکشەممە ئاسمان ساماڵ و گەرم دەبێت لەگەڵ دروستبوونی پەڵە هەور لە کاتەکانی ئێوارەدا لە هەندێک شوێن دەگۆڕێت بۆ نیمچە هەور، پلەی گەرمی نزیک دەبێتەوە لە تۆمارکراوەکانی ئەمڕۆ.
سەبارەت بە بەرزترین پلەی گەرمی لە شار و ناوچە جیاوازەکان، کەشناسیی هەرێم ئاشکرایکرد، لە هەولێر:47 پلەی سیلیزی، سلێمانی:45 پلەی سیلیزی، دهۆک:46 پلەی سیلیزی، کەرکوک:49 پلەی سیلیزی، زاخۆ:47 پلەی سیلیزی، هەڵەبجە:47 پلەی سیلیزی، سۆران:46 پلەی سیلیزی، حاجی ئۆمەران:34 پلەی سیلیزی و گەرمیان:51 پلەی سیلیزی دەبێت.
