بەرگریی شارستانیی هەولێر رایدەگەیەنێت، پاشنیوەڕۆی ئەمڕۆ تازەلاوێک لە بەنداوی گۆمەسپان خنکا.
لە راگەیەندراوێکی بەڕێوەبەرایەتیی بەرگریی شارستانیی هەولێر کە وێنەیەکی دەست تۆڕی میدیایی ئێستا کەوتووە، هاتووە، “پاشنیوەڕۆی ئەمڕۆ کاتژمێر 14:40، تازەلاوێک لەکاتی مەلەکردن لە بەنداوی گۆمەسپان خنکا و دەستبەجێ لەلایەن ئەندامانی خێزانەکەی تەرمەکەی دەرهێنرایەوە”.
ئاماژەی بەوەشکرد، تازەلاوەکە تەمەنی 14 ساڵە و دانیشتووی گەڕەکی هەولێری نوێیە لە پارێزگای هەولێر؛ پاش دەرهێنانەوەی تەرمەکەی، بۆ توێکاری جەستەیی رەوانەی پزیشکی دادی هەولێر کراوە و رادەستی خانەوادەکەی کراوەتەوە.
داواش لە هاوڵاتییان و دایکان و باوکان دەکات، بۆ دووبارەنەبوونەوەی ئەم رووداوانە، لەکاتی گەشت و سەیران، رێگا بە منداڵ و ئەندامانی خانەوادەکانیان نەدەن لەو جێگایانە مەلەبکەن کە رێگاپێنەدراون و پابەندی رێنماییەکانی بەرگریی شارستانی بن.
