پۆلیسی سلێمانی رایگەیاند،”تۆمەتبارێکمان دەستگیرکرد کە دزی لە مارکێتێک کردبوو”.
بەڕێوەبەرایەتیی پۆلیسی پارێزگای سلێمانی، بڵاویکردەوە، دوای ئەوەی هاوڵاتییەك لە نووسینگەی نەهێشتنی تاوانی كوردسات سكاڵای تۆماركرد كە لە ماركێتەكەی پارەی لێدزراوە، بڕیاری دادوەری تایبەتمەند بۆ دۆسییەکە وەرگیراو هێزەكانی پۆلیس لێكۆڵینەوەكانیان دەستپێكرد، سەرەنجام و دوای گەیشتنە ئەنجامی لێکۆڵینەوەکان، توانرا تۆمەتبار بدۆزرێتەوە و لەلایەن مەفرەزەكانی نووسینگەی نەهێشتنی تاوانی كوردساتەوە دەستگیربكرێت.
پۆلیسی سلێمانی دەڵێت، تۆمەتبار لەدایكبووی 1969 کە پێشینەی تاوانی هەیە و بە رەگەزنامە ئێرانییە، دانی بەتاوانەكەیدا ناوە و ئێستا بە بڕیاری دادوەری تایبەتمەند و بەپێی ماددەی 443 لەیاسای سزادان راگیراوە و لێكۆڵینەوەكان لەدۆسییەکە بەردەوامن.
