بەڕێوەبەرایەتیی هاتوچۆی گەرمیان رایدەگەیەنێت، لەسەر رێگای کەلار – رزگاری، بەرامبەر ئیدارەی گەرمیان، ماتۆڕسکیلێک کۆنترۆڵ لەدەستدەدات و وەردەگەڕێت، بەهۆیەوە شۆفێرەکەی گیانلەدەستدەدات.
لە راگەیەندراوێکی بەڕێوەبەرایەتیی هاتوچۆی گەرمیان کە وێنەیەکی دەست تۆڕی میدیایی ئێستا کەوتووە، هاتووە، کاتژمێر 03:30ـی بەرەبەیانی ئەمڕۆ، ماتۆڕسکیلێکی دوو تایە لە کەلارەوە بە ئاراستەی ناحیەی رزگاری رۆیشتووە، لە بەرامبەر ئیدارەی گەرمیان کۆنترۆڵی لەدەستداوە و بەهۆیەوە وەرگەڕاوە، لە ئەنجامدا شۆفێرەکەی گیانیلەدەستداوە.
ئاماژەی بەوەشکردووە، ئەوکەسەی گیانیلەدەستداوە، لەدایکبووی ساڵی 2003ـیە و دانیشتووی گەڕەکی حەمرینی قەزای کەلارە و پیشەی کاسبە، لەئێستادا تەرمەکەی لە پزیشکی دادی کەلارە.
دەشڵێت، تیمەکانی هاتوچۆ لێکۆڵینەوەیان دەستپێکردووە بەمەبەستی زانینی هۆکار و چۆنیەتیی رووداوەکە.
