بەرپرسێکی باڵای ئێران رایدەگەیەنێت، وڵاتەکەی مەزەندەدەکات شەڕی نێوانیان لەگەڵ ئیسرائیل، تا دوو ساڵ بخایەنێت و جەختیلەوەکردەوە “ئێمە بۆ ئەوە ئامادەین”.
بەرپرسێکی باڵای ئێران بە کەناڵی CNNـی ئەمریکیی راگەیاند، “ئێران دەیەوێت ئەمریکا راستەوخۆ باجی شەڕەکە بدات، نەک لە پشت ئیسرائیلەوە بوەستێت و بەردەوام بێت لە پرۆژەکەی، بەبێ ئەوەی پێویست بکات تێچووی شەڕەکە بدات”.
وتیشی، بەپێی مەزەندەکانی تاران، شەڕی نێوان وڵاتەکە و ئیسرائیل تا دوو ساڵی دیکەش بەردەوامدەبێت و ئەو بەرپرسە جەختدەکاتەوە، “بە هەموو شێوەیەک بۆ ئەو ماوەیە ئامادەی شەڕن”.
