حەشارگە شکێن “bunker buster” ئەو بۆمبەیە کە بەپێى راپۆرتى میدیاکانى ئەمریکا بەیانیى ئەمڕۆ شەش دانەى بۆ بۆردومانکردنى بنکەى ئەتۆمیی فۆردۆى ئێران بەکارهێنراوە.
بەشێک لە تایبەتمەندییەکانى:
– بۆمبەکە بە GBU-57 ناسراوە.
– کێشی 13.6 تۆنە.
– بەهێزترین بۆمبە لە جیهاندا لەدوای بۆمبی ناوکی.
– توانای بڕینی 61 مەتر لە کۆنکرێتی هەیە و دواتر دەتەقێتەوە.
– یەکەمجارە ئەمریکا ئەم بۆمبە بەکاربهێنێت و پێشتر لە هیچ شوێنێک و شەڕێکدا بەکارینەهێناوە.
– بەپێى هەندێک لە شارەزایانى سەربازى، ئەمریکا لە دیزاینکردن و دروستکردنیدا رەچاوی بنکەى فۆردۆ-ى کردووە کە زیاتر لە 100 مەتر لەژێر زەویدایە.
– زۆر وردە لە لێدان و پێکان، چونکە بە تیشکى لەیزەر ئاراستە دەکرێت.
– تەنها بە فڕۆکەی شەبەحی B-2.Spirit هەڵدەگیرێت و ئاراستە دەکرێت.
