دوای ئەوەی بەرەبەیانی ئەمڕۆ 13ی حوزەیرانی 2025، ئیسـ.ــرائیل هێرشی بۆسەر ئێران ئەنجامدا و چەند بەرپرسێکی باڵای وڵاتەکە کوژران، چەند وڵاتێک ئیدانەی ئەو هێرشەیان کرد.
هەریەکە لە وڵاتەکانی، عێراق، تورکیا، سعودیە، ئوردن، ئیمارات، روسیا، ژاپۆن، ئیندۆنیزیا و چەن وڵاتێکی دیکە هێرشەکەیان ئیدانەکرد.
لێدوانی وڵاتان و کەسی یەکەمی چەند وڵاتێک لەبارەی هێرشەکە:
رەجەب تەیب ئەردۆغان: هێرشی ئیسـ.ـرائیل بۆ سەر ئێران پێشێلکردنی یاسای نێودەوڵەتییە.
سودانی: هەموو رێوشوێنێکی یاسایی دژی بەکارهێنانی خاکی عێراق بۆ ئەنجامدانی هێرشەکە دەگرینەبەر.
سوڵتاننشینى عوممان: ئەمە هەڕەشەیە بۆ سەر هەوڵە دیپلۆماسییەکان، دەبێت ئیسـ.ــرائیل بەرپرسیارێتیی هەڵبگرێت.
سعودیە: هێرشەکە پێشێلکردنی روونی یاسا نێودەوڵەتییەکانە، کۆمەڵگای نێودەوڵەتی و ئەنجومەنی ئاسایش بەرپرسن لە وەستاندنی.
ئیندۆنیزیا: هێرشەکان ئاڵۆزییە هەرێمایەتییەکان زیاتردەکەن.
ژاپۆن: ئەم هێرشە بۆ خراپتربوونی زیاتری دۆخەکە سەردەکێشێت.
