بەڕێوەبەرایەتیی گشتیی بەرگریی شارستانیی هەرێمی کوردستان، ئاماری رووداوەکانی لە رۆژانی جەژنی قوربان بڵاوکردەوە.
بەپێی ئامارەکە، لە رۆژانی جەژندا 173 رووداوی ئاگرکەوتنەوە لە سەرتاسەری هەرێمی کوردستان روویانداوە و لەو ژمارەیە، 57 حاڵەتیان سووتانی پوش و پەڵاش بوون.
ئاماژە بەوەشکراوە، یەک رووداوی خنکان هەبووە، کە منداڵێکی تەمەن حەوت ساڵان لە پارێزگای دهۆک بووەتە قوربانی.
دەشڵێت، لە ماوەی ئەو چوار رۆژەدا، یەک رووداوی مردن لە ئیدارەی زاخۆ تۆمارکراوە، کە لە رووداوی هاتوچۆ گیانیلەدەستداوە.
بەرگریی شارستانیی هەرێم باسلەوەشدەکات، لە رۆژانی جەژندا هەشت ئۆتۆمبێل و ماتۆڕسکیلێک سووتاون.
