سەرۆکی لیژنە هاوبەشەکانی قائیمقامیەتی سلێمانی رایگەیاند، “بەهیچ شێوەیەک رێگە بە گرانفرۆشی نادەین”.
گۆران قادر، سەرۆکی لیژنە هاوبەشەکانی قائیمقامیەتی سلێمانی بە تۆڕی میدیایی ئێستای راگەیاند، بۆ رۆژانی جەژنی قوربان ئامادەکاریی تەواو کراوە و بازاڕ و شوێنە گەشتیارییەکانیش لەڕووی نرخەوە کۆنتڕۆڵکراون، بەهیچ شێوەیەک رێگەنادەین گرانفرۆشی بکرێت، هەر کەسێک ئەو کارە بکات سەرپێچییە و بەپێی جۆری سەرپێچییەکەی سزادەدرێت.
وتیشی، “لەپێناوی سەلامەتیی گیانی هاوڵاتییان و ئەو کەسانەی کاری کڕین و فرۆشتنی ئاژەڵ دەکەن بۆ ئەوەی لە تای خوێنبەربوون بەدووربن، ئەمساڵ لە هیچ شوێنێکی شاری سلێمانی رێگە بە کڕین و فرۆشتنی ئاژەڵی زیندوو نادرێت، جگە لە مەیدانی ئاژەڵان”.
