کەمێک پێش ئێستا، وەفدێکی یەکێتیی نیشتمانیی کوردستان گەیشتە مەکتەبی سیاسیی پارتی دیموکراتی کوردستان لە پیرمام.
بەپێی زانیارییەکان، وەفدەکەی یەکێتی پێکدێن لە سالار لالە سەرحەد و د. مەجید حەمەدئەمین، ئەندامانی مەکتەبی سیاسی.
لە کۆبوونەوەکەدا تاوتوێی دۆخی گشتیی ئێستای عێراق، هەرێمی کوردستان و ناوچەکە دەکرێت؛ هەروەها هەڵوێستی لایەنە سیاسییەکانی هەرێمی کوردستانیش بەرامبەر بڕیاری وەزارەتی دارایی عێراق بۆ وەستاندنی خەرجکردنی مووچەی هەشت مانگی داهاتووی مووچەخۆرانی هەرێم، یەکدەخرێت.
