وەزارەتی دەرەوەی ئەمریکا داوا لە باڵیۆزخانەکانی وڵاتەکەی دەکات، ئەو چاوپێکەوتنانەی تایبەتن بە پێدانی ڤیزای خوێندن، رابگرن.
بەپێی میدیاکانی ئەمریکا، ئەمڕۆ چوارشەممە، مارکۆ روبیۆ، وەزیری دەرەوەی ئەمریکا نووسراوێکی بەشێوەی ئاگاداری ناردووە بۆ سەرجەم باڵیۆزخانەکانیان لە وڵاتان و تێیدا هاتووە، لەمەودوا وەزارەتەکە پێداچوونەوە بە پرۆسەی وردبینیکردنی داواکارانی ڤیزای خوێندن و ئەوانەی لە بەرنامەی ئاڵوگۆڕی خوێندن سوودمەند دەبن، دەکات.
چەند رۆژێک لەمەوپێش، کێشە کەوتە نێوان ئیدارەی ترەمپ و زانکۆی هارڤاردی ئەمریکی و ئیدارەکە بڕیاریدا، چیتر ئەو زانکۆیە نەتوانێت خوێندکاری بیانی وەربگرێت.
