وەزارەتی نەوتی عێراق رایدەگەیەنێت، داهاتی هەناردەکردنی نەوت لە مانگی نیساندا، نزیکەی حەوت ملیار دۆلار بووە.
وەزارەتەکە لە راگەیەندراوێکدا بڵاویکردەوە، “بڕی نەوتی خاوی هەناردەکراوە لە مانگی نیساندا، 100 ملیۆن و 953 هەزار و 282 بەرمیل بووە و داهاتەکەشی، زیاتر لە شەش ملیار و 738 ملیۆن و 309 هەزار دۆلار بووە.
ئاماژەی بەوەشکرد، “کۆی گشتیی بڕی هەناردەی نەوتی خاو لە کێڵگە نەوتییەکانی ناوەڕاست و باشووری عێراق، 99 ملیۆن و 752 هەزار و 879 بەرمیل بووە، هاوکات هەناردەی کێڵگەی گەیارە 900 هەزار و 584 بەرمیل بووە.
دەشڵێت، بڕی هەناردەکردنی نەوت بۆ ئوردن 299 هەزار و 819 بەرمیل بووە.
