بەڕێوەبەرایەتیی هاتوچۆی سلێمانی، چەند رێنماییەک بەو شۆفێرانە دەدات کە مۆڵەتەکانیان وندەبێت.
هاتوچۆی سلێمانی دەڵێت پێویستە لەکاتی ونبوونی مۆڵەتەکەت ئەم کارانە ئەنجامبدەیت:
1-سەردانی بەرێوەبەرایەتیی پۆلیسی بەشی ونبووەکان دەکەیت، کە ناونیشانەکەی پشت باڵەخانەی دادگای کۆنە.
2-دواتر سەردانی بەڕێوەبەرایەتیی هاتوچۆی سلێمانی بەشی مۆڵەت دەکەیت لە نهۆمی دوو لە تاسڵوجە و فۆڕمێک پڕدەکەیتەوە.
3-هەنگاوی دواتر لە پارێزراوی مۆڵەت دۆسیەکەت دەدۆزرێتەوە ئەگەر مۆڵەتەکەت بەسەر چوبوو ئەوا پێویستە سەردانی لیژنەی پزیشکی بکەیت بۆ نوێکردنەوەی فۆرمی لیژنەی پزیشکی.
4-هەنگاوی دواتر سەردانی بەشی ITدەکەیت هەر لە بەڕێوەبەرایەتیی هاتوچۆی سلێمانی بۆ ئەوەی دڵنیابینەوە کە مۆڵەتەکەت پێشتر لێوەرنەگیراوە. 5-دوای دڵنیابوونەوە کار لەسەر مامەڵەکە دەکرێت مۆڵەتێکی شۆفێریی نوێت پێدەدرێت.
هاتوچۆی سلێمانی بە شۆفێران دەڵێت، باشتر وایە زیاتر بە ئاگابیت و مۆڵەتی شۆفێرییەکەت هەمیشە لە ئۆتۆمبێلەکەتدا بێت بە مەبەستی پاراستنی لە تێکچوون و ونبوون.
