شارەوانیی سلێمانی رایدەگەیەنێت، بە ئامانجی ڕێکخستنەوەی ناوبازاڕ و نەهێشتنی قەرەباڵغی هاتوچۆ سەرۆکایەتی شارەوانی بەردەوامی دەدات بە لادانی زیادەڕۆیی و جوانترکردنی سیمای شارەکە.
ئاماژە بەوەش دەکات، “تیمەکانمان لەبەشی لابردنی سەرپێچی و زیادەڕۆیی هۆبەی ناوبازاڕ، سەر بە سەرۆکایەتیمان، هەڵمەتێکی ڕێکخستنەوەی ناوبازاڕ بەمەبەستی رێگریکردن لەزیادەڕۆیی بۆ سەر شۆستە و شەقامەکان کە هەندێک لە خاوەن دووکاندار و فرۆشیارانی دەستگێڕ سەرپێچی لە رێنمایەکانی شارەوانی دەکەن”.
هەڵمەتەکە شەقامی کاک ئەحمەدی شێخ و مەزادخانەی سەرەوەی گرتەوە، هاوکات دووکاندار و کاسبکاران لە جێبەجێکردنی ڕێنماییەکانی شارەوانی لەپێناو ڕەخساندنی ژینگەیەکی تەندروست ئاگادارکرانەوە.
