وتەبێژی بەرگریی شارستانیی سلێمانی، رایدەگەیەنێت، “ئەو ئاگرەی لە بەکرەجۆ کەوتەوە سووتانی پووش و پەڵاش بووە”.
ئارام عەلی، وتەبێژی بەرگریی شارستانیی سلێمانی، بە تۆڕی میدیایی ئێستای راگەیاند، “ئەو ئاگرەی لە گەڕەکی بەکرەجۆ کەوتەوە سووتانی پووش و پەڵاش بووە لە زەوییەکی چۆڵدا”.
وتیشی، “ئەو دەنگۆیانەی باس لە سووتانی خانوو دەکەن دوورن لە راستییەوە و ئاگرەکەش هەر زوو لەلایەن تیمەکانی بەرگریی شارستانییەوە کۆنتڕۆڵکراوە”.
