بەڕێوەبەرایەتیی پۆلیسی سلێمانی رایدەگەیەنێت، مەفرەزەکانی نوسینگەی رۆژهەڵاتی بەشی پۆلیسی نەهێشتنی تاوان، سێ تۆمەتباریان دەستگیرکرد کە جامی حەوت ئۆتۆمبێلیان شکاندبوو و دزییان لێکردبوون.
بەپێی راگەیەندراوێکی بەڕێوەبەرایەتیی پۆلیسی سلێمانی، کە وێنەیەکی دەست تۆڕی میدیایی ئێستا کەوتووە و تێیدا هاتووە، پاش وەرگرتنی بڕیاری دادوەر، مەفرەزەکانی نوسینگەی رۆژهەڵاتی بەشی پۆلیسی نەهێشتنی تاوان، سێ تۆمەتباریان دەستگیرکرد بەتۆمەتی دزیکردن و شکاندنی جامی ئوتۆمبێل.
ئەوەشخراوەتەڕوو، لە لێکۆڵینەوەکاندا تۆمەتباران دانیان بەوەداناوە، کە جامی حەوت ئۆتۆمبێلیان شکاندووە و پارەیان لەناو ئۆتۆمبێلەکان دزیوە.
پۆلیسی سلێمانی دەشڵێت، لەئێستادا هەرسێ تۆمەتبار (ر، ر، غ – س، ه، ع – د، ب، ع) بە بڕیاری دادوەر راگیراون و لێکۆڵینەوەکان بەردەوامن.
