دۆناڵد ترەمپ، سەرۆکی ئەمریکا دووپاتی کردەوە، رووسیا و ئۆکرانیا دەستبەجێ دانوستانەکانیان لەسەر ئاگربەست دەستپێدەکەن.
دوای پەیوەندییە تەلەفۆنییەکەی لەگەڵ ڤلادیمێر پوتن، سەرۆکی رووسیا، دۆناڵد ترەمپ لە لێدوانێکی رۆژنامەوانیدا رایگەیاند، “پەیوەندییە تەلەفۆنییەکەم لەگەڵ پوتن بەباشی بەڕێوەچوو و گفتوگۆی باشمان کرد”.
ئاماژەی بەوەشکرد، “مەرجەکانی ئاگربەستی رووسیا و ئۆکرانیا، لەلایەن هەردوو لایەنەوە تاوتوێدەکرێن و ڤاتیکانیش ئامادەیی خۆی دەربڕیوە بۆ میوانداریکردنی دانوستانەکانی مۆسکۆ و کیێڤ”.
ڤلادیمێر پوتن، دووشەممەی رابردوو ئەرێنیبوونی خۆی لەبارەی رێککەوتنەوە لەگەڵ ئۆکرانیا دووپاتکردەوە و رایگەیاند، ئەگەری گەیشتنیان بە رێککەوتنی ئاگربەست هەیە.
