ئەمڕۆ یەکەم کاروانی حاجیانی کەرکوک بەمەبەستی بەجێگەیاندنی فەریزەی حەج بەرەو عەرەبستانی سعودیە بەڕێکەوتن.
رێبوار تەها پارێزگاری کەرکوک رایگەیاند، بۆ ئەمساڵ هەزار و 190 حاجی لە کەرکوکەوە بەمەبەستی بەجێگەیاندنی فەریزەی حەج بە شێوەی رەسمی روو لە عەرەبستانی سعودیە دەکەن، ئەمڕۆش یەکەم کاروانی حاجیان بەڕێگای وشکانی بەڕێکران.
ئاماژەی بەوەشکرد، ئامادەکاریی تەواوکراوە بۆ بەڕێکردنی حاجیان و خزمەتکردنیان لەو وڵاتە.
بڕیارە سبەینێ هەینی یەکەم کاروانی حاجیانی سلێمانی بە رێگای وشکانی بەڕێبکەون و رۆژی شەممەش کاروانێکی حاجیانی هەولێر بەڕێدەکەون.
