وەزارەتی بازرگانی و پیشەسازیی هەرێم رایگەیاند، هاوڵاتییانی هەڵەبجە دەتوانن لەڕێی ئەپێکەوە ناوی خۆیان تۆماربکەن و پسووڵەی خۆراکەکەیان بکەنە ئەلیکترۆنی و لەم قۆناغەدا پێویست بە هیچ بڕەپارەیەک ناکات.
بەپێی راگەیەندراوێکی وەزارەتی بازرگانی و پیشەسازیی هەرێمی کوردستان کە وێنەیەکی دەست تۆڕی میدیایی ئێستا کەوتووە و تێیدا هاتووە، “هاوڵاتییانی پارێزگای هەڵەبجە ئاگادار دەکەینەوە، بۆ بەئەلیکترۆنیکردنی کۆبۆنی خۆراک، دەتوانن لەڕێگەی ئەم ئەپەی خوارەوە، بچنە ناو سستمەکە و ناوی خۆیان تۆماربکەن، بۆ وەرگرتنی رێنمایی و هەر پرسیار و کێشەیەکیش، سەردانی بەڕێوەبەرایەتیی پسوڵەی خۆراکی هەڵەبجە بکەن”.
دەشڵێت، هاوڵاتیان ئاگاداردەکەینەوە لەم قۆناغەدا، پێویست بە هیچ بڕەپارەیەک ناکات و بەدووربن لەو کەسانەی بۆ تۆمارکردنی ناوی خێزان بۆ کۆبۆنی خۆراک، پارە وەردەگرن، بەهیچ شێوەیەک پەیوەندییان بە وەزارەتی بازرگانی و پیشەسازی و لایەنی حکومییەوە نییە و سیستمەکە بەخۆڕاییە لە هەرێمی کوردستان”.
وەزارەتی بازرگانیی هەرێم باسلەوەشدەکات، “هاوڵاتی پێویستە کارتی نیشتمانی هەبێت، بۆئەوەی بێبەش نەبێت لە ناو تۆمارکردن و پرۆسەکە ماوەی مانگێگ دەخایەنێت”.
لینکی ئەپەکە:
