پەیامنێری تۆڕی میدیایی ئێستا لە پارێزگای كەركوك گواستییەوە، ئەمڕۆ خۆڵبارینی چڕ رووی لە شارەكە كردووە و ئاستی بینینی كەمكردووەتەوە و چەند هاوڵاتییەك دووچاری تەنگەنەفەسی بوون و رەوانەی نەخۆشخانە كراون.
وتیشی، “بەپێی دوایین ئامارەكان تاوەكو ئێوارەی ئەمڕۆ 94 كەس رەوانەی نەخۆشخانەكانی كەركوك كراون و چارەسەری پێویستیان بۆدەكرێت”.
ئاماژەی بۆ ئەوەش كرد، لە ئێستادا دۆخی ئەو كەسانە جێگیرە و بەشێكیان چوونەتەوە بۆ ماڵەوە.
