لەسەر رێگای شەمێران لە قەزای دەربەندیخان ئۆتۆمبێلێک وەرگەڕا و بەهۆیەوە چوار کەس برینداربوون.
بەڕێوەبەرایەتیی هاتوچۆی دەربەندیخان بڵاویکردەوە، کاتژمێر 6:00 ی ئێوارەی ئەمڕۆ لەسەر رێگای شەمێران لە نزیک گوندی دڵف ئۆتۆمبێلێک لە جۆری نیسان سەنی کۆنتڕۆڵی لەدەستدا و وەرگەڕا.
ئاماژەی بەوەشکرد، لە رووداوەکەدا چوار کەس کە ئەندامی یەک خێزان بوون کە پێکهاتبوون لە دایک و باوک و دوو منداڵ، بەرەگەز عەرەب و خەڵکی پارێزگای دیالە بوون برینداربوون.
ئاشکراشیکرد، دوای رووداوەکە بریندارەکان گواسترانەوە بۆ نەخۆشخانە و تەندروستییان جێگیرە.
