رێباز حەملان رایگەیاند، ” لیستی مووچەی ئەم مانگە هەمان لیستی مانگی پێشووە”.
رێباز حەملان، بریکاری دەستلەکارکێشاوەی وەزارەتی دارایی عێراق، بە رۆژنامەنووسانی راگەیاند، “لیستی مووچەی مانگی نیسانی فەرمانبەر و مووچەخۆرانی هەرێم هەمان لیستەکەی مانگی ئازارە و تەنها ژمارەی خانەنشینان زیادیکردووە، چاوەڕێین وردبینی لە لیستەکە تەواوبکرێت و بەزووترین کات مووچە دابەشبکرێت”.
وتیشی، “وەفدی تەکنیکیی وەزارەتی دارایی و ئابوریی هەرێم لە بەغدادە و ئەندامانی وەفدەکە رۆژانە سەردانی وەزارەتی دارایی عێراق دەکەن و لەماوەی سێ مانگی رابروودا سەرجەم داواکارییەکانی بەغداد جێبەجێکراون و تاوەکو ئێستا هیچ گرفتێک نییە”.
