بەڕێوەبەرایەتیی ڤێرتێنەری راپەرین هەڵمەتی ئامادەکاریی بۆ خۆپاراستن لە نەخۆشی تای خوێنبەربوون دەستپێکرد، لەرێگای پێنج تیمی سەرەکییەوە.
ئاماژەی بەوەشدا، هەڵمەتەکە تەواوی سنووری ئیدارەی راپەرین دەگرێتەوە و پێکهاتووە لە شۆردنەوە و خاوێنکردنەوەی ئاژەڵەکانی وەک مەڕ و بزن، هەروەها رشاندنی هۆڵ و شوێنی ئاژەڵەکان بە ماددەی دەلتامسرین و بەکارهێنانی چەند جۆرێكی دیکەی دەرمان و کوتانی تایبەت بۆ ئاژەڵان.
ئەوەشی خستەڕوو، هۆکارێکی سەرەکی نەخۆشی تای خوێنبەربوون بەهۆی گەنەو قڕنەوەیە، بۆ ئەم مەبەستەش رێنمایی ئاراستەی هاوڵاتییان کراوە کە سەربڕینی نایاسایی ئەنجام نەدەن و خۆیان بپارێزن، هەروەها، هەڵمەتەکە بەردەوام دەبێت تاوەکو سەرجەم ئاژەڵەکانی سنوورەکە شۆردنییان بۆ ئەنجامدەدرێت.
