کارەبای سلێمانی پڕۆژەیەکی کارەبا لە سەیدسادق بە بەهای 400 ملیۆن دینار جێبەجێدەکات.
بەڕێوەبەرایەتیی گشتیی کارەبای سلێمانی رایگەیاند، لەسەر بودجەی 8%ـی داهاتی کارەبای سلێمانی و بە نزیکەی 400 ملیۆن دینار پڕۆژەیەکی کارەبا لە سنووری قەزای سەیدسادق جێبەجێدەکرێت.
ئاماژەی بەوەشدا، پڕۆژەکە بە دوو بەشی جیاواز پێکدێت کە بریتیین لەمانە، یەکەم: دەرکردنی فیدەری 20ی بەردەوام بۆ سەرچاوی ئاوی حەسار و نەخۆشخانەی حەسار.
دووەم: گۆڕینی گڵۆپەکانی تۆڕی رووناکی قەزاکە لە سۆدیۆمەوە بۆ جۆری لید.
ئەوەشی خستەڕوو، بڕیارە ماوەی دیاریکراو بۆ جێبەجێکردنی پڕۆژەکە، 190 رۆژ بخایەنێت و دوای ئەو ماوەیە پڕۆژەکە جێبەجێکرابێت.
