قوباد تاڵەبانی رایگەیاند، “ئێزدییەکان بەشێکی گرنگ و دانەبڕاوی گەلی کوردستانن”.
قوباد تاڵەبانی، جێگری سەرۆک وەزیرانی هەرێم رایگەیاند، “بەبۆنەی چارشەمباسۆر (سەری ساڵی ئێزدیی) گەرمترین پیرۆزبایی لە خوشک و برایانی ئێزدیی دەکەم و هیوای رۆژانێکی جەژنی پڕ لە خۆشی و ئارامییان بۆ دەخوازم”.
دەشڵێت، “ئێزدییەکان بەشێکی گرنگ و دانەبڕاوی گەلی کوردستانن، هەر بۆیە ئەرکی حکومەتی هەرێم و هەموو هێز و لایەنە سیاسییە کوردستانییەکان و نوێنەرانی کوردە لە بەغداد بە هاوبەشی کاربکەن بۆ ئاوەدانکردنەوەی شنگال و ناوچە ئێزدییەکانی دیکە و دابینکردنی ژیانێکی ئارام و ئاسوودە بۆ خوشک و برایانی ئێزدیی”.
