كۆسرەت رەسوڵ عەلی، بەبۆنەی پەسەندكردنی یاسای بەپارێزگابوونی هەڵەبجەوە پیرۆزبایی لە هەڵەبجەییەكان و كەسوكاری شەهیدان و كیمیاباران دەكات
دەقی پیرۆزباییەكە:
بەبۆنەی پەسەندكردنی پڕۆژەیاسای بەپارێزگابوونی هەڵەبجە گەرمترین پیرۆزبایی ئاراستەی سەرجەم هەڵەبجەییە تێكۆشەر و قارەمانەكان، كەسوكاری شەهیدان و كیمیابارانكراوانی هەڵەبجە دەكەم.
ئەمڕۆ كە 37 هەمین ساڵیادی كارەساتی ئەنفالە، فراكسیۆنە كوردستانییەكان بەیەكگرتوویی و یەكدەنگی توانیان لەئەنجومەنی نوێنەرانی عێراق یاسای بەپارێزگابوونی هەڵەبجە پەسەندبكەن و مژدانە بدەنە هەڵەبجەییەكان، سوپاسی سەرجەم فراكسیۆنە كوردستانییەكان و سەرجەم هێزو لایەنە عێراقییەكان دەكەم كە پاڵپشت و پشتیوانبوون لە پەسندكردنی ئەم یاسایە.
دووبارە پیرۆزبایی خۆم لە خەڵكی تێكۆشەری پارێزگای هەڵەبجە دەكەم، بەهیوام بەهەمان رۆحییەتەوە، بەیەكگرتوویی و یەكگوتاریی خەبات بكەین بۆ گەیشتن بەئاواتە بەدی نەهاتووەكانمان.
