بەرگریی شارستانیی سۆران، رایگەیاند، “لیژنەیەک بۆ خەمڵاندنی زیانەکانی تەرزەبارینەکە پێکهێندرا”.
بەڕێوەبەرایەتیی بەرگریی شارستانیی سۆران، لە راگەیەندراوێکدا بڵاویکردەوە، “لەسنووری قەزای چۆمان لیژنەیەک بۆ خەمڵاندنی زیانەکانی تەرزەبارینەکەی رۆژانی رابردووی سنوورەکە پێکهێندرا”.
دەشڵێت، ” داوا لە زیانپێگەیشتووان دەکەین بۆ تۆمارکردن و هەڵسەنگاندنی زیانەکان سەردانی بنکەی بەرگریی شارستانیی چۆمان بکەن، کارتی نیشتمانی و ساڵانەی ئۆتۆمبێل لەگەڵ ئۆتۆمبێلێکەنیان ئامادەبکەن بۆ دیاریکردن و زانینی قەبارەی زیانەکان و تۆمارکردنیان”.
بەرگریی شارستانیی سۆران دەڵێت، “رۆژی پێنجشەممە دواوادەی ناو تۆمارکردنە”.
