ئامانج رەحیم رایگەیاند، لە چەند رۆژی داهاتوودا کۆبوونەوەی یەکێتی و پارتی لەبارەی دابەشکردنی پۆستەکان ئەنجامدەدرێت.
ئامانج رەحیم سکرتێری ئەنجومەنی وەزیران رایگەیاند، بۆ پێکهێنانی کابینەی دەیەمی حکومەتی هەرێم پێش ئەوەی لەسەر دابەشکردنی پۆستەکان قسەبکرێت، لەسەر رێککەوتننامەیەکی سیاسی هاوبەش لەنێوان یەکێتی و پارتی بەمەبەستی گەڵاڵەکردنی دیدگایەکی هاوبەشی نوێ بۆ فەرمانڕەوایەتی قسەکراوە.
ئاماژەی بەوەشکرد، دوای پێکهێنانی لیژنەیەکی باڵای دانووستان ئەنجامدانی چەندین کۆبوونەوە و کۆبوونەوەیەکی لیژنەیەکی دیکەی لاوەکی بۆ داڕشتنەوەی ئەو دیدگا هاوبەشە، بڕیارە لە نزیکترین ماوەدا لەلایەن هەردوولاوە ئیمزا بکرێت ئەو رەشنووسەی ئامادەکراوە دەبێتە سەرچاوەیەک بۆ رێکەوتننامەیەکی سیاسی و دابەشکردنی پۆستەکان و بەرنامەی کاری کابینەی داهاتوو.
جەختیشیکردەوە، لەم چەند رۆژەی داهاتوودا یەکێتی و پارتی کۆدەبنەوە و گفتوگۆ لەبارەی قۆناغێکی نوێی رێکەوتنەکە دەکرێت، کە دابەشکردنی پۆستەکانە.
