ئەمڕۆ رۆژی دووەمی دابەشکردنی مووچەی مانگی ئازاری مووچەخۆرانی هەرێم دەستپێدەکات و 23 توێژی دیکە مووچەکانیان وەردەگرن.
ئەمڕۆ هەینی، بەپێی ئەو لیستەی وەزارەتی دارایی و ئابوریی حکومەتی هەرێمی کوردستان، تایبەت بە دابەشکردنی مووچەی مانگی ئازاری ئەمساڵ بڵاویکردووەتەوە، ئەمڕۆ مووچەی مانگی ئازاری 23 توێژ دابەشدەکرێت، کە بریتین لە: (خانەنشینی پێشمەرگە، کاروباری شەهیدان و ئەنفالکراوان، پەروەردە، دارایی و ئابووری، دەستەی دەستپاکی، دەستەی وەبەرهێنان، دەستەی ژینگە، دەزگای مین، ناوچەکانی دەرەوەی هەرێم، کۆمسیۆنی باڵای هەڵبژاردن، دیوانی چاودێری دارایی، مافی مرۆڤ).
بەشێکی دیکەشیان بریتین لەم توێژانە: (ئاوەدانکردنەوە و نیشتەجێکردن، تەندروستی، ناوخۆ، داد، ئەنجومەنی دادوەری، پلاندانان، بازرگانی و پیشەسازی، سامانە سروشتییەکان، گواستنەوە و گەیاندن، کشتوکاڵ و سەرچاوەکانی ئاو، شارەوانی و گەشتوگوزار).
هاوکات، پڕۆسەی دابەشکردنی مووچەی مانگی ئازاری مووچەخۆرانی هەرێم بە سێ رۆژ بەڕێوەدەچێت و ئەمڕۆ رۆژی دووەمی پڕۆسەکەیە، سبەینێش کۆتا رۆژی دابەشکردنی مووچەی مانگی ئازار دەبێت.
